16 қаңтарға арналған ауа райы болжамы
АСТАНА. 15 қаңтар. ҚазАқпарат - Республика аумағының басым бөлігінде бұрынғыша атмосфералық фронтальдық ағындардың өтуіне байланысты кей жерлерде қар жауып, бұрқасын соғады, қатты жел тұрып, тұман, көктайғақ сақталады, тек республиканың батысында ауа райы ашық болады.
Бұл туралы Қазгидрометке сілтеме жасап, ҚР ТЖМ баспасөз қызметі хабарлады. Ақмола облысында кей жерлерде тұман, көктайғақ күтіледі, аумақтың басым бөлігінде жел 15-20 м/с-қа жетеді, кей жерлерде ұйытқып 25 м/с-қа дейін күшейеді. Алматы облысының кей жерлерінде тұман күтіледі, түнде Жалаңашкөл ауданында желдің күшеюі 18-23 м/с-қа дейін жетеді. Жамбыл, Оңтүстік Қазақстан, Қызылорда, Маңғыстау облыстарының кей жерлерінде тұман, көктайғақ орын алады, желдің екпіні 15-20 м/с-қа дейін күшейеді. Атырау облысының кей жерлерінде тұман, көктайғақ күтіледі, Қостанай облысында кейбір жерлерде тұман түседі, көктайғақ болады, жел 15-20 м/с-қа күшейеді. Павлодар облысында кей жерлерде бұрқасын көтеріледі, жел 17-22 м/с-қа күшейеді. Солтүстік Қазақстан, Шығыс Қазақстан облыстарында кей жерлерде бұрқасын аралас желдің күші 15-20 м/с-қа жетеді. Қарағанды облысында бұрқасын, кей жерлерде желдің екпіні 15-20 м/с-қа дейін күшейеді.
