16 мамырда Қазақстанның басым бөлігінде жауын-шашынды болады, оңтүстікте бұршақ жаууы ықтимал
АСТАНА. ҚазАқпарат - Республика аумағының басым бөлігінде атмосфералық ағындардың өтуімен кей жерлерде жаңбыр жауып, найзағай ойнауы, тұман түсуі, жел күшеюі, оңтүстікте бұршақ жаууы күтіледі, деп хабарлады ҚР ІІМ Төтенше жағдайлар комитеті.
Жамбыл облысында кей жерлерде найзағай ойнайды, бұршақ жаууы мүмкін, жел 15-20 м/с-қа дейін күшейіп, ұйтқуы 23 м/с-қа жетеді.
Оңтүстік Қазақстан облысында кей жерлерде найзағай ойнап, бұршақ жаууы мүмкін, жел 15-20 м/с-қа дейін күшейеді.
Батыс Қазақстан, Ақтөбе, Алматы, Қарағанды, Шығыс Қазақстан облыстарында кей жерлерде найзағай ойнайды, жел 15-20 м/с-қа дейін күшейеді.
Ақмола, Қостанай облыстарында, түнде Павлодар облысында кей жерлерде желдің күші 15-20 м/с-қа жетеді.
Солтүстік Қазақстан облысында жел 15-20 м/с-қа дейін күшейіп, түнде және таңертең тұман түседі.
Маңғыстау облысында кей жерлерде найзағай ойнайды, түнде тұман түседі.
Атырау облысында кей жерлерде найзағай ойнайды.
Қостанай, Ақмола, Солтүстік Қазақстан облыстарында 1-6 градусқа дейін күн суытады, Павлодар облысында кей жерлерде 3 градусқа дейін суытады.
