16-шы жазғы Азия ойындарына спортшыларымыз қызу дайындалуда - ҚР Туризм және спорт министрі
/strong>Тамыздың 20-сы. ҚазАқпарат /Ербол Тұрымбетов/ - Қытайдың Гуанчжоу қаласында өтетін 16-шы жазғы Азия ойындарына қызу дайындық жүргізілуде. Оны бүгін ҚР Туризм және спорт министрі Темірхан Досмұхамбетов Алматыда өткен брифингте мәлімдеді,
деп хабарлайды ҚазАқпарат.
Оның айтуынша, Қазақстан спортшылары осы жолғы жарыста жоғары нәтижелер көрсетуі тиіс. Бүгінгі өткен суға жүзу мен дзю-до спорты жөніндегі тыңдаулар қорытындысы бойынша да медальдар жеңіп алуға мол мүмкіндіктеріміз бар.
«Өткен аптада зілтеміршілерге байланысты жиналыс жасаған едік. Біздің жаттықтырушылар спорттың бұл түрінен үлкен жетістіктерге жетеміз деп уәде берген-ді. Олар сөзінде тұрып, Жазира Жаппарқұлова жасөспірімдер арасында алтыннан алқа тақты. Біз мұнан да артық жеңістерге жетеміз деген ойдамын», деді Т. Досмұхамедов.
Қарашаның 12-сі мен 27-сі аралығында өтетін Ойындар спорттың 46 түрін қамтитын болады. Министрдің айтуынша, қазақ спортшылары сол спорттардың барлығынан талқылаулар өткізетін болады.
