16 жастағы астаналық ару «Miss Globe International-2012» байқауының екінші вице-мисі атанды

 АСТАНА. 17 қазан. ҚазАқпарат - OK-models агенттігінің сәнбикесі Анар Тастемірова Кипрде өткен «Miss Globe International-2012» байқауында Қазақстанның намысын қорғады. Бұл туралы аталмыш сән агенттігінің баспасөз қызметі хабарлады. 

Әлемнің түкпір-түкпірінен келген 40 ару басты тәжге бақталасты, Қазақстанның өкілі әлемнің екінші вице-мисі атағын жеңіп алды.

Дәстүрлі сұлулық байқауының 88-ші финалы Кипрдің ірі концерт-холында өтті. Байқауды әлемнің 60 елінде телекөрермендер тамашалады.