17 елдің допингіге қарсы агенттіктерінің басшылары WADA-ны реформалауға шақырды
АСТАНА. ҚазАқпарат - 17 елдің допингіге қарсы агенттіктерінің басшылары допингіге қарсы соңғы жанжалдардан кейін Бүкіләлемдік допингіге қарсы агенттікті реформалау қажеттігін мәлімдеді.
Олардың ішінде АҚШ, Германия және Ұлыбритания агенттіктерінің өкілдері де бар.
Компенгагендегі саммитте ұсынылған реформалардың арасында - агенттік басшылары сонымен бірге басқа да спорттық ұйымдарда лауазымда қатар атқармауы үшін WADA-ға көбірек тәуелсіздік беру мәселесін қозғады. Мәселен, WADA-ның қазіргі басшысы Крейг Риди сонымен бірге Халықаралық олимпиада комитетінің (ХОК) вице-президенті болып қызмет атқарады, деп хабарлады РИА Новости.
Допингіге қарсы агенттіктердің басшылары бірлескен мәлімдемесінде қазір «таза» спорт үшін күрес тұйыққа тіреліп тұрғанын атап көрсетті.
Бұдан бұрын WADA-ны реформалау қажеттігін Рио-де-Жанейрода өткен ХОК сессиясының делегаттары да көтерген болатын. WADA, өз кезегінде «допингіге қарсы жүйені қайта қарауға» әзір екендігін мәлімдеді.
