17 қаңтар күні Қазақстанда өтетін маңызды шараларға шолу
АСТАНА
10.00-де ҚР Парламенті Сенатының кезекті отырысы басталады.
11.00-де Үкімет үйінде «Баспана қолжетімділігі мен сапасын арттыру» тақырыбында баспасөз мәслихаты өтеді.
11.00-де кәсіпкерлерге арналған «Atameken services» порталының жаңартылуы туралы баспасөз мәслихаты өтеді.
12.20-да Орталық коммуникациялар қызметінде «Қазақстанның ірі өндіріс ошақтарының жасыл рейтингі бойынша 2018 жылғы қортындысы» тақырыбына баспасөз маслихаты ұйымдастырылады.
15.00-де «Нұр Отан» партиясының Астана қалалық филиалы қоғамдық көліктердің мүмкіндігі шектеулі жандарға қызметі мен қолжетімділігін тексереді.
15.00-де Махамбет Өтемісұлы атындағы Оқушылар сарайында ресейлік балалар жазушысы, «Фиксики» мультсериалының сценарисі, «Смешарики» жобасының авторларының бірі Игорь Шевчукпен кездесу өтеді.
16.00-де «Нұр Отан» партиясының Орталық аппаратында «Нұр Отан» партиясы жанындағы «Мирас» республикалық кеңесінің отырысы өтеді.
16.20-да Орталық коммуникациялар қызметінде ҚР Денсаулық сақтау министрлігінің Қоғамдық денсаулық сақтау комитетінің төрағасы - Бас мемлекеттік санитарлық дәрігер Жандарбек Бекшиннің қатысуымен «2018 жылдағы Қазақстандағы эпидемиологиялық жағдай» тақырыбында баспасөз мәслихаты өтеді.
АЛМАТЫ
15.00-де ҚР Ұлттық кітапханасындағы Е. Тұрсыновтың киноклубында «Ұлы Жібек жолы - өткен мен болашақтың сабақтастығы» атты деректі фильмі мен халықаралық ғылыми-тәжірибелік конференцияның мақалалар жинағы таныстырылады.
17.00-де Қазақстан қор биржасының баспасөз бөлмесінде KASE 25 жылдығына арналған кітап таныстырылымы өтеді.
КӨКШЕТАУ
15.00-де Целиноград ауданының әкімі Малғаждар Таткеев «Ақмола облысы Целиноград ауданының 2018 жылғы әлеуметтік-экономикалық даму қорытындылары» тақырыбында баспасөз мәслихатын өткізеді.
ШЫМКЕНТ
10.40-та №81 орта мектептің мәжіліс залында Шымкент қаласының әкімі Ғабидолла Әбдірахымов Абай ауданы әкімінің халық алдындағы 2018 жылдың қорытындысы бойынша есепті кездесуіне қатысады.