17 қаңтарда Қазақстанның басым бөлігінде қар жауып, кей жерлерде бұрқасын көтеріледі, тұман түседі, көктайғақ болады және жел күшейеді
АСТАНА. ҚазАқпарат - Қазақстанның басым бөлігінде атмосфералық ағындардың өтуіне байланысты тұрақсыз ауа райы сақталады, қар жауып, кей жерлерде бұрқасын көтеріледі, тұман түседі, көктайғақ болады және желдің күшеюі күтіледі, тек республиканың батысы және оңтүстік-батысында ауа райы ашық болады.
Бұл туралы ҚР ІІМ Төтенше жағдайлвар комитеті хабарлады.
Ақмола, Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде бұрқасындатып,, жел 15-20 м/с-қа дейін күшейеді.
Оңтүстік Қазақстан, Қызылорда, Маңғыстау, Атырау, Батыс Қазақстан, Ақтөбе облыстарының кей жерлерінде тұман түседі, түнде және таңертең Оңтүстік Қазақстан облысында, күндіз Маңғыстау, Атырау облыстарында желдің екпіні 15-20 м/с-қа дейін күшейеді.
Қостанай, Жамбыл облыстарының кей жерлерінде бұрқасындатып, тұман түседі, көктайғақ болады, желдің 15-20 м/с-қа дейін күшеюі күтіледі, Жамбыл облысында желдің ұйтқуы 25 м/с-қа дейін жетеді.
Алматы облысының кей жерлерінде тұман түседі, көктайғақ болады, Жалаңашкөл ауданында желдің күші 18-23 м/с-қа, ұйтқуы 25 м/с-қа дейін күшейеді.
