17 қараша күні республиканың басым бөлігінде қар жауып, бұрқасын болады
АСТАНА. ҚазАқпарат - 17 қараша күні Қазақстанның территориясында атмосфералық фронттардың өтуіне байланысты кей жерлерінде жауын-шашын сақталады, көбінесе қар жауады, бұрқасын, тұман, көктайғақ, жел күшейеді.
Бұл туралы Қазгидромет хабарлады.
Ақмола, Қостанай облыстарының кей жерлерінде бұрқасынмен жел 15-20 м/с күшейеді, Қостанай облысының кей жерлерінде тұман күтіледі. Оңтүстік Қазақстан, Маңғыстау облыстарының кей жерлерінде түнде және таңертең тұман түсіп, күндіз жел 15-20 м/с күшейеді. Жамбыл облысының кей жерлерінде тұман түсіп, түнде және таңертең жел 15-20 м/с күшейеді. Қарағанды облысының кей жерлерінде тұман, көктайғақ күтіледі, жел 15-20 м/с күшейеді. Қызылорда, Атырау, Батыс Қазақстан, Ақтөбе, Шығыс Қазақстан облыстарының кей жерлерінде тұман, көктайғақ күтіледі. Алматы, Солтүстік Қазақстан облыстарының кей жерлерінде тұман бақыланады.
