17 мамырда ел аумағының басым бөлігінде жел күшейіп, тұман түседі
АСТАНА. ҚазАқпарат - Атмосфералық ағындардың өтуіне байланысты Қазақстанның кей жерлерінде жаңбыр жауып, найзағай жарқылдайды, тек батыста жауын-шашынсыз ауа райы күтіледі. Республиканың кей жерлерінде жел күшейеді, тұман түсуі ықтимал, деп хабарлайды «Қазгидромет» РМК.
Жамбыл облысының кей жерлерінде тұман, желдің күшеюі 15-20 м/с, бұршақ жаууы мүмкін. Ақмола, Павлодар, Қостанай, Қарағанды, Шығыс Қазақстан облыстарының кей жерлерінде тұман түсіп, желдің жылдамдығы 15-20 м/с жетеді.
Солтүстік Қазақстан, түнде және таңертең Оңтүстік Қазақстан облыстарында да желдің екпіні 15-20 м/с болады.
