17 сәуірде республикада жауын-шашынды болып, жел күшеюі күтілуде
АСТАНА. 16 сәуір. ҚазАқпарат - 17 сәуірде республиканың басым бөлігінде циклонның және онымен байланысты атмосфералық ағындардың әсерімен жауын-шашын болып, жел күшейеді, кей жерлерде тұман түсіп, көктайғақ болады.
Елдің батысы мен оңтүстік-батысында ғана күн ашық болады. Бұл туралы ҚР ТЖМ баспасөз қызметі Қазгидрометке сілтеме жасап хабарлайды.
Ақмола облысында кей жерлерде тұман түседі, желдің күші секундына 15-20 метрге жетеді.
Солтүстік Қазақстан облысында кей жерлерде тұман түседі, көктайғақ болады, желдің екпіні 15-20 м/с.
Қостанай, Шығыс Қазақстан облыстарында кей жерлерде желдің 15-20 м/с-қа дейін күшеюі күтіледі, түнде және таңертең тұман түседі.
Оңтүстік Қазақстан, Қызылорда облыстарында, күндіз Жамбыл облысында желдің екпіні 15-20 м/с-қа жетеді.
Ақтөбе облысында түнде және таңертең кей жерлерде тұман түсуі күтіледі.
