18 қараша күні Қазақстанда өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 18 қараша күні елордада өтетін маңызды шаралар аңдатпасын ұсынады.

10.30-да Қазақстан Республикасы Орталық сайлау комиссиясы сайлау учаскелерінің дауыс беру күніне дайындығы туралы отырыс өткізеді.

12.00-да ҚР Ұлттық музейінде «Ұлттың ұлы ұстындары» шығармашылық конкурсының жеңімпаздарын марапаттау салтанаты өтеді.

15.00-де КАЗГЮУ Университетінде «M.Narikbayev Public lecture» жоба аясында «Әлемдегі өзгермелі Қазақстан» атты кезекті дәріс өткізіледі.

15.00де ҚР Ұлттық музейінде танымал археолог, т.ғ.д., профессор Зейнолла Самашевтың 75 жылдық мерейтойына арналған іс-шаралар өтеді.

16.00-де ҚР Орталық сайлау комиссиясының сайлау алдындағы үгіт, электоралдық оқыту қорытындыларын және ҚР ОСК-не келіп түскен өтініштерді қарау мәселелері жөніндегі отырысы өтеді.

16.00-де Астана қаласының Қуыршақ театрында «Орманда болған оқиға» қойылымы көрсетіледі.

19.00-де Номад Сити Холл театрында «Другая Дюймовочка» қойылымы өтеді.

19.00-де «Роза Бағланова атындағы «Қазақконцерт» мемлекеттік концерттік ұйымы музыкалық контрасттар кешін өткізеді.

19.00-де Қ. Қуанышбаев атындағы мемлекеттік академиялық қазақ музыкалық-драма театрында «Айман-Шолпан» комедиясы қойылады.

Фото: home-of-energy.com