18 қыркүйекке арналған ауа райы болжамы
АСТАНА. ҚазАқпарат - 18 қыркүйек күні атмосфералық фронттардың өтуіне байланысты Қазақстанның солтүстік және шығыс бөлігінде жауын жауып, желдің күшеюі күтіледі. Кей жерлерде түнде және таңертең тұман болады, деп хабарлайды ҚазАқпарат «Қазгидромет» РМК-ға сілтеме жасап.
Атап айтқанда, Ақмола, Павлодар, күндіз Шығыс Қазақстан облыстарының кей жерлерінде найзағай ойнап, екпінде жел соғады.
Күндіз Қостанай, Солтүстік Қазақстан, Қарағанды облыстарының жекелеген аумақтарында 15-20 м/с жылдамдықпен жел тұрады, Қостанай облысында тұман болады.
