18 мамырда елдің басым өңірінде жаңбыр жауады
НҰР-СҰЛТАН. ҚазАқпарат – 18 мамырда Қазақстанның шығысында жауын-шашынсыз күн райы қалыптасады. Өзге аумақтарда жаңбыр күтіледі, оңтүстік пен солтүстікте қатты жаңбыр жауады, сондай-ақ найзағай, бұршақ, дауыл, болжанады. Батыс пен оңтүстікте – шаңды дауыл, солтүстікте түнде және таңертең тұман болады. ҚазАқпарат бұл туралы Қазгидрометке сілтеме жасап хабарлайды.
Атап айтқанда, Ақмола облысының батысы, солтүстігі мен оңтүстігінде бұршақ, күндіз батысы мен оңтүстігінде 15-20 м/с екпінде жел күтіледі. Күндіз Алматы облысының таулы аударында, Атырау облысының батысы, шығысы мен орталығында, Маңғыстау облысының солтүстігінде, Ақтөбе облысының солтүстігі мен орталығында, Қызылорда облысының орталығында желдің күші 15-20 м/с артады. Маңғыстау, Қызылорда облыстарында сондай-ақ шаңды дауыл тұрады.
Түркістан облысының оңтүстігі, батысы, солтүстігі, таулы және тау бөктерлі аудандарында дауыл, желдің жылдамдығы 15-20 м/с артады. Күндіз Батыс Қазақстан облысының батысы, солтүстік-батысында бұршақ, дауыл болады. Түнде солтүстігі, солтүстік-батысында, күндіз басым бөлігінде желдің күші 15-20 м/с құрайды. Күндіз екпіні 23 м/с жетеді.
Қостанай облысының түнде оңтүстігінде, күндіз батысы мен оңтүстік-шығысында бұршақ, дауыл, түнде және таңертең шығысында тұман, күндіз батысы мен оңтүстігінде 15-20 м/с екпінде жел болжанады. Желдің күші 23 м/с артуы ықтимал.
Күндіз Солтүстік Қазақстан облысының оңтүстігі мен шығысында дауыл тұрып, бұршақ жауады. Батысы, оңтүстігі мен шығысында желдің күші 15-20 м/с артады.
Таңертең және күндіз Павлодар облысының батысы, солтүстігі мен орталығында бұршақ жауады. Желдің екпіні 15-20 м/с құрайды.
Күндіз Қарағанды облысының солтүстігі, оңтүстігі мен орталығында бұршақ жауады.Батысы мен орталығында желдің күші 15-20 м/с артады. Жамбыл облысының оңтүстігі, солтүстігі мен таулы аудандарында бұршақ жауып, дауыл тұрады. Өңірдің оңтүстік-батысы, солтүстік-шығысы мен таулы аудандарында желдің екпіні 23-28 м/с жетуі ықтимал.
Сондай-ақ Шығыс Қазақстан облысының Жарма ауданында, Павлодар облысының орталығында төтенше өрт қаупі күтіледі.
