18 тоннадан астам контрабандалық жүкпен Қырғызстаннан Қазақстанға келе жатқан ҚР үш азаматы құрықталды
АСТАНА. 2 маусым. ҚазАқпарат -18 тоннадан астам контрабандалық жүкпен Қырғызстаннан Қазақстанға келе жатқан еліміздің үш азаматы құрықталды, деп хабарлады ҚР ҰҚК Шекара қызметі.
2011 жылдың 1 маусымында ҚР ҰҚК Шекара қызметінің «Оңтүстік» аймақтық басқармасы Тараз шекара отрядының «Гродиково» мен «Чолдалы» шекара заставасында шекарашылар Қырғызстаннан 18 тоннадан астам контрабандалық жүк - азық-түлік салынған жүк көлігімен өткізу бекетінен алшақтағы жолдан өтіп келе жатқан Қазақстанның үш азаматын ұстады.
Контрабанданың ұсталуы фактісіне қатысты құқық қорғау органдары тергеу шараларын жүргізіп жатыр.
