18 жолаушысы бар ұшақ жоғалып кетті
АСТАНА. ҚазАқпарат - Непалда Nepal Airlines әуе компаниясының ұшағы жоғалып кетті, деп хабарлайды lenta.ru.
Лайнер Покхар туристік курортынан жергілікті уақыт бойынша 13.30-да елдің батысында орналасқан қалалардың біріне қарай бағыт алып ұшып шыққан екен, алайда 15 минут өткеннен кейін радардан жоғалып кеткен.
Непал полицейлері ұшақ бортында 14 жолаушысы бар екендігін айтуда. Ал Associated Press агенттігі өздерінің дереккөздеріне сүйеніп, ұшақта 18 адам бар деп хабарлауда. Оның 15-і жолаушы болса, қалғандары - экипаж мүшелері.
