19 жасар бойжеткен Анна Чудаева «Қарағанды аруы-2012» атағына ие болды
ҚАРАҒАНДЫ. 27 тамыз. ҚазАқпарат - Өткен демалыс күндері «Қарағанды аруы-2012» байқауы өтті.
Сұлулық тәжін 12 бойжеткен сарапқа салды. «Қарағанды аруы-2012» атағына Теміртаулық 19 жасар бойжеткен Анна Чудаева ие болды. 22 жасар қарағандылық Анастасия Курочкина байқаудың вице-мисі атанды.
Нәтижелер белгілі болған соң, «Қарағанды аруы-2011» жеңімпазы Анна Попова тәжді биылғы жылы үздік атанған А. Чудаеваға тапсырды.
Бұл қарағандылық сұлу бойжеткеннің жеңіп отырған екінші тәжі. Ағымдағы жылдың сәуір айында ол «Теміртау аруы-2012» атанған болатын. Ол енді «Қазақстан аруы-2012» байқауында Қарағанды атынан қатысатын болады.
