19 жастағы Әсия Абисова «Астана аруы-2014» атағын жеңіп алды
АСТАНА. ҚазАқпарат - 19 жастағы Әсия Абисова «Астана аруы-2014» атағын жеңіп алды. Сондай-ақ сұлулар сайысында Әсел Мусалдинова мен Мәриаш Бигалиева да жүлделі орындарды иеленді, деп жазады 24.kz.
Енді бұл үш бойжеткен 28 қарашада өтетін «Қазақстан аруы» байқауында елорда намысын қорғамақ. Аталған сайыста іріктеу кезеңдерінен іркілмей өткен 18 қыз өзара бақ сынасты. Олар өнерлерін ортаға салып, қазақтың ұлттық киімдерін паш етті.
Ал, «Астана аруы-2014» байқауының жеңімпазы: «8 жыл бұрын менің әпкем де осындай жүлделі орынға ие болған еді. Сол кезде мен де өзіме осындай мақсат қойдым. Міне, бүгін арманыма жетіп отырмын. Өте қуаныштымын», - деп сыр бөлісті.
