190 жылға бас бостандығынан айырылды
АСТАНА. ҚазАқпарат - Мысырдың Луксор қаласының соты 49 жастағы қылмыскерді 190 жыл бас бостандығынан айыруға үкім шығарды. Жергілікті басылымдардың жазуынша, бұл - елде бұрын-соңды болмаған қатаң жаза.
Шетелдік БАҚ-тың хабарлауынша, Ясир Әбдел Қадыр Ахмедтің 10-нан астам қылмысқа қатысы бары анықталған. Оның ішінде кісі өлтіру, қарақшылық, адам ұрлау, есірткі мен қару-жарақ сақтау және мемлекеттік меншіктегі мүліктің көзін жою сынды айыптар бар. Осыған орай, жасаған әр қылмысына әрқайсысы 25 жылдан бес рет бас бостандығынан айыру және 65 жыл ауыр жұмыс істеу жасазына кесілді.
Сондай-ақ мысырлық прокуратураның мәліметінше, жақын арада сот алдында Ахмедтің қылмыстық тобының мүшелері мен туған ұлы да жауап беретін болады.
