20 қазанда Қазақстанның солтүстігінде жаңбыр жауады деп күтілуде
АСТАНА. 19 қазан. ҚазАқпарат- ҚР Қоршаған ортаны қорғау министрлігі «Қазгидромет» РМК-нің мәліметінше, 20 қазанда Қазақстанның солтүстік бөлігінде атмосфералық ағымдардың өтуіне байланысты бірқатар аймақтарында жаңбыр жауып, екпінді жел соғады.
Республиканың қалған аумағында күн райы жауын-шашынсыз болады деп күтілуде.
Ақмола, Қостанай, Солтүстік Қазақстан облыстарында кей жерлерде 15-22 м/с жылдамдықпен жел соғады, түнде және таңертең тұман түседі.
Қарағанды, Шығыс Қазақстан облыстарының жекелеген жерлерінде түнде және таңертең тұман түседі, күндіз желдің екпіні 15-20 м/с-қа дейін жетеді. Күндіз Ақтөбе, Павлодар, Оңтүстік Қазақстан облыстарының бірқатар жерлерінде 15-22 м/с жылдамдықпен жел соғады.
