20 мамыр. Тұлғалар туған күн

ЕСІМДЕР

69 жыл бұрын (1955) Қазақстан Республикасының мемлекет және саясат қайраткері, «Ембімұнайгаз» АҚ Директорлар кеңесінің тәуелсіз директоры Қырымбек Елеуұлы КӨШЕРБАЕВ дүниеге келді. 

Қызылорда облысы Қазалы қаласында туған. 1978 жылы В.И.Ленин атындағы Қазақ политехникалық институтын құрылыс инженері мамандығы бойынша, 1991 жылы КПСС Орталық Комитеті жанындағы Қоғамдық ғылымдар академиясының аспирантурасын бітірген, саясаттанушы. Саяси ғылымдар докторы (халықаралық қатынастар). 50-ден астам ғылыми еңбек пен мақалалардың авторы.

Еңбек жолы: 1978 жылы Қызылорда қаласындағы «Главриссовхозстрой» ЖМК-112 инженері, өндірісті дайындау тобының бастығы, 1979 жылы Бүкілодақтық екпінді комсомолдық құрылыс - Қызылорда облысы күріштік инженерлік жүйесі штабының бастығы, 1981 жылы Қазақстан ЛКЖО Орталық Комитеті екпінді құрылыстардағы комсомол ұйымдары секторының меңгерушісі, 1982 жылдан Қазақстан ЛКЖО Орталық Комитетінің жауапты ұйымдастырушысы (Алматы қаласы), 1983 жылы Қазақстан ЛКЖО Қызылорда қалалық комитетінің бірінші хатшысы, 1986 жылы Қазақстан ЛКЖО Орталық Комитеті комсомол ұйымдары бөлімі меңгерушісінің орынбасары (Алматы қаласы), 1987-1988 жылдары Қазақстан ЛКЖО Орталық Комитеті мәдениет бөлімінің меңгерушісі болып жұмыс атқарған. 1991 жылы КПСС Орталық Комитеті жанындағы Қоғамдық ғылымдар академиясын бітіргеннен кейін Қазақ ССР Президенті Аппаратының Мәдениет және ұлтаралық қатынастар референтурасының референті қызметінде болды. 1991 жылы ҚР Премьер-Министрі орынбасарының көмекшісі, 1994 жылы Алматы қаласындағы Калинин ауданының әкімі, 1995 жылы ҚР Министрлер Кабинеті Аппараты басшысының орынбасары - ішкі саясат бөлімінің меңгерушісі, 1995 жылы ҚР Үкіметі Аппараты басшысының орынбасары - аумақтық даму бөлімінің меңгерушісі, 1996 жылы ҚР Президентінің Баспасөз хатшысы - Баспасөз қызметінің жетекшісі, 1997 жылы - ҚР Білім, мәдениет және денсаулық сақтау министрі, 1999 жылы ҚР- Денсаулық сақтау, білім және спорт министрі, 1999 жылы ҚР Білім және ғылым министрі, 2000 жылы Батыс Қазақстан облысының әкімі, 2003 жылы Қазақстан Республикасының Ресей Федерациясындағы төтенше және өкілетті елшісі, Финляндия мен Армениядағы төтенше және өкілетті елшісі міндетін қоса атқарушы лауазымын атқарды. 2006-2011 жылдары Маңғыстау облысының әкімі, 2012 жылы ҚР Президентінің кеңесшісі, 2012 жылы ҚР Премьер-Министрінің орынбасары, 2013-2019 жылдары Қызылорда облысының әкімі, 2019 жылы ҚР Президенті Әкімшілігінің жетекшісі, 2019-2022 жылдары ҚР Мемлекеттік хатшысы. Қызметін атқарды.

«Қазақстан Республикасының Тұңғыш Президенті - Елбасы Нұрсұлтан Назарбаев» (2015), ІІ дәрежелі «Барыс» (2009),«Парасат» (2003), «Достық» (РФ, 2006) ордендерімен, медальдарымен марапатталған.

60 жыл бұрын (1964) Ақмола облысының мәдениет басқармасының басшысы Айгүл Баубекқызы СӘБИТОВА дүниеге келді.

Көкшетау облысы, Көкшетау ауданы, Еленовка ауылында дүниеге келдi. 1982 жылы Көкшетау кiтапханашылар техникумын, 1994 жылы Алтай мемлекеттiк институтының Омбы қаласындағы филиалын бітірген. Бiлiмi бойынша клуб қызметкерi және хор ұжымының жетекшiсi, мәдениет ұйымдастырушы.

Еңбек қызметiн 1982 жылы Көкшетау ауданының мәдениет бөлiмiнде әдiскер ретiнде бастады. 1985-1994 жылдары Көкшетау аудының Мәдениет үйiнде директор лауазымын атқарды. 2003 жылы Красный Яр ауылы тұрғындарының қолдауымен Көкшетау қалалық маслиханының депутаты болып сайланып, әлеуметтiк мәселелермен айналысты, «Көкше» аудандық Мәдениет үйінің директоры болды. 2006-2021 жылдары «Көкшетау қаласының мәдениет және тiлдердi дамыту бөлiмi» ММ басшысы болып жұмыс атқарған.

2021 жылғы ақпаннан – қазіргі қызметінде.

«Қазақстан Республикасы Конституциясына 10 жыл» (2005), «Астанның 10 жылдығы» (2008), «Қазақстан маслихаттарына 20 жыл» (2014) медальдарымен, «Мәдениет саласының үздiгi» (2012), «Золотая звезда«Балалар үшiн» (2014) төсбелгiлерiмен марапатталды.

57 жыл бұрын (1967) Қазақстан Республикасы Қарулы күштері Жоғарғы Бас қолбасшылығының өкілі Марат Рақымұлы ҚҰСАЙЫНОВ дүниеге келді.

Қарағанды облысының Амантау кеңшарында туған. 1988 жылы Челябі жоғары танкті командалық училищесін тәмамдады. 1997 жылы РФ ҚК Броньды танкті әскерлер Әскери академиясын, 2010 жылы РФ ҚК БШ Әскери академиясын (үздік және алтын медальмен) бітірді.

Офицерлік қызметті Беларусь әскери округінде взвод командирі болып бастады. 1993 жылы танк дивизиясы танк полкі танк ротасының командирі, 1993-1994 жылдары танк дивизиясы танк полкі оқу танк батальонының командирі, 1994-1997 жылдары РФ ҚК Броньды танкті әскерлер Әскери академиясының тыңдаушысы, 1997-2000 жылдары штаб бастығы - мотоатқыш бригадасы командирінің орынбасары қызметін атқарған. 2000-2002 жылдары ҚР ҚМ Әскери-ғылыми орталығы әскери арнайы зерттеулер басқармасының бастығы, 2002-2003 жылдары мотоатқыш бригадасының командирі, 2003-2004 жылдары штаб бастығы - мотоатқыш бригадасы командирінің орынбасары, 2004-2005 жылдары жағалық қорғаныс бригадасының командирі, 2005-2006 жылдары механикаландырылған бригадасы техника мен қару-жарақты сақтау бөлімінің бастығы, 2006-2008 жылдары штаб бастығының жедел жұмыс жөніндегі орынбасары - «Шығыс» өңірлік қолбасшылығы әскерлері қолбасшысы басқармасы штабының жедел басқарма бастығы, 2008-2010 жылдары РФ ҚК БШ Әскери академиясының тыңдаушысы, 2010-2013 жылдары өңірлік қолбасшылық әскерлері қолбасшысының бірінші орынбасары - «Батыс» өңірлік қолбасшылығы әскерлері қолбасшысы басқармасының штаб бастығы лауазымын атқарды. 2013-2014 жылдары өңірлік қолбасшылық әскерлері қолбасшысының бірінші орынбасары - «Шығыс» өңірлік қолбасшылығы әскерлері қолбасшысы басқармасының штаб бастығы, 2014-2016 жылдары өңірлік қолбасшылық әскерлері қолбасшысының бірінші орынбасары - «Оңтүстік» өңірлік қолбасшылығы әскерлері қолбасшысы басқармасының штаб бастығы, 2016-2019 жылдары «Оңтүстік» өңірлік қолбасшылығы әскерлерінің қолбасшысы, 2019-2020 жылдары ҚР Қарулы Күштері Құрлық әскерлерінің бас қолбасшысы, 2020-2021 жылдары ҚР Қарулы күштері Бас штабы бастығының бірінші орынбасары болып қызмет атқарған.

2021 жылдың қыркүйек айынан бастап қазіргі қызметінде.

57 жыл бұрын (1967) «Қазақстан темір жолы» ҰК» АҚ басқарма төрағасы Нұрлан Ермекұлы САУРАНБАЕВ дүниеге келді.

Тараз қаласында туған. 1991 жылы әл-Фараби атындағы қазақ мемлекеттік университетін, 2001 жылы ЭНИ-Аджип мұнай өнеркәсібінің оқу орталығын бітірген. Мұнайды басқару магистрі.

Еңбек жолын 1991 жылы Алматы қаласында «Еңбек» ЖШС-ның директоры лауазымынан бастады. 1997-1998 жылдары ҚР Кәсіпкерлер конгресінің атқарушы директоры, 1998-2000 жылдары «Қазақстан Темір Жолы» РМК «Жолаушылар тасымалы» ЕМК директоры, 2000-2001 жылдары «АМӨЗ» ААҚ бірінші вице-президенті, 2001-2002 жылдары «Қазақойл» ННК ЖАҚ «АМӨЗ» ААҚ қайта құру жобасын басқару жөніндегі топ басшысы, бас менеджер, 2002-2004 жылдары «ҚазМұнайгаз» ҰК ЖАҚ инжинирингілік және сервистік жобалар департаментінің директоры, 2004-2007 жылдары «ТеңізСервис» ЖШС бас директорының орынбасары лауазымын атқарған. 2007-2010 жылдары - «ҚазМұнайГаз» ҰК АҚ-ның басқарушы директоры, 2010-2011 жылдары «Самұрық-Қазына» ҰӘҚ АҚ-ның Басқарма бастығы орынбасарының көмекшісі, 2011 жылы «Самұрық-Қазына» ҰӘҚ АҚ-ның басқарушы директоры, 2011-2014 жылдары ҚР Индустрия және жаңа технологиялар вице-министрі, 2014-2016 жылдары ҚР Қорғаныс министрінің орынбасары болды. 2015 жылы «Қазақстан инжиниринг» ҰК» АҚ директорлар кеңесінің төрағасы болып сайланды. 2017 жылы «ЭКСПО-2017» халықаралық мамандандырылған көрмесі ұйымдастыру комитетінің басшысы. 2017-2018 жылдары Шымкент қаласының әкімі, 2019-2021 жылдры ҚР Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінің меңгерушісі қызметін атқарды.

Қазіргі қызметінде – 2021 жылдың сәуірінен.

«Құрмет» (2007), «Парасат» ордендерімен, «Қазақстан Республикасының тәуелсіздігіне 20 жыл» мерекелік медалімен марапатталған.