2010 жылдың қаңтар-маусым айларында ауыл шаруашылығы жалпы өнім көлемі 363,2 миллиард теңгеге жетіп, өсім 3,1 пайызды құрады

АСТАНА. Шілденің 12-і. ҚазАқпарат /Айдар Оспаналиев/ - 2010 жылдың қаңтар-маусым айларында ауыл шаруашылығы жалпы өнім көлемі 363,2 миллиард теңгеге жетіп, өсім 3,1 пайызды құрады. Бұл туралы бүгін журналистермен болған баспасөз мәслихатында Статистика агенттігінің төрағасы Әлихан Смайылов айтты.

Оның деректеріне қарағанда, негізгі капиталға деген инвестиция 2010 жылдың қаңтар-маусым айларында 1798,2 миллиард теңгеге жетіп, бұл көрсеткіш өткен жылдың сәйкес мерзімімен салыстырғанда 4,8 пайызға кем болды. Ал жартыжылдықтағы тауар айналымының көлемі 170,3 миллиард теңгеге жетіп, өсім өткен жылдың сәйкес мерзімімен салыстырғанда 10,1 пайызды құрады. Сондай-ақ аталмыш мерзімде бөлшек сауда 13,1 пайызға, көтерме сауда айналымы 13,2 пайызға артты. Азық-түлікпен және сусындармен қамтамасыз ету 5,3 пайызға өсті.