2010 жылғы наурызда сыртқы саудада өнімдерге бағаның жоғарылауы байқалды
АСТАНА. Мамырдың 12-сі. ҚазАқпарат /Қанат Мәметқазыұлы/ - Ағымдағы жылғы наурызбен өткен жылғы ақпан айын салыстырғанда еліміздегі экспортталатын және импортталатын тауарларға бағаның 2,4 пайызға жоғарылауы байқалды,
деп хабарлайды ҚазАқпарат.
Статистика агенттігінің мәліметтеріне қарағанда, 1 айда экспорттық жеткізілімдерге бағаның өсуі табиғи газға - 10,7 пайыз, мұнай өнімдеріне - 4,6 пайыз, көмірге - 4,3 пайыз, қара металдарға - 2,5 пайыз, мұнайға - 2 пайыз деңгейінде байқалды. Ал бағаның төмендеуі мысқа - 2,3 пайызды, алюминийге - 1,2 пайыз, газ конденсатына - 0,7 пайыз шамасында белгіленген. Бұдан бөлек, жүн бағасы - 7,6 пайыз, мақта - 5,8 пайыз жоғарыласа, бидай бағасы - 2 пайызға төмендегені байқалды.
Импорттық түсімдер бойынша дәрі-дәрмектер - 8,4 пайызға, қант - 7,4 пайызға, маргарин - 6,5 пайызға, шиналар - 6,7 пайызға, сырлар мен бояулар - 5,9 пайызға, тоқыма бұйымдары - 3,6 пайызға қымбаттаған. Ал аяқкиім бағасы - 8,4 пайызға, кофе - 6 пайыз, темекі - 3,1 пайыз, шай - 1,1 пайызға арзандады.
