2010 жылғы шілдеде республикада бір жұмыскердің орташа айлық номиналды жалақысы 81 266 теңгені құрады - ҚР Статистика агенттігі
Бұл өткен жылдың сәйкес кезеңімен салыстырғанда 17,9 пайызға көп.
ҚР Статистика агенттігінің ұсынған мәліметтеріне сүйенсек, салалық құрылымдар бойынша ең жоғарғы жалақы қаржы және сақтандыру қызметтерінде сақталып отыр - 171 400 теңге (бұл орташа республикалық деңгейден 2,1 есеге көп), кәсіптік, ғылыми және техникалық қызметтерде - 141 400 теңге (1,7 есеге) және әртүрлі қызмет түрлерін көрсетуде - 124 700 теңге (1,5 есеге).
Ал ең төменгі еңбекақыны ауыл, орман және балық шаруашылықтары қызметкерлері алып отыр - 36 200 теңге. Бұл орташа республикалық деңгейден 55,4 пайызға төмен.
Өңірлер бойынша алғанда, ең жоғарғы жалақы Атырау облысында сақталып отыр - 145 400 теңге (орташа республикалық көрсеткіштен 1,8 есеге артық). Ал ең төменгі жалақы Жамбыл облысында - 55 600 теңге (орташа деңгейден 31,6 пайызға төмен).