2011-2012 жылдары 108 елде 201 экономикалық реформа жүргізілді
Бұл туралы бүгін Алматыда жарияланған Дүниежүзілік банк пен Халықаралық қаржы корпорациясының «Бизнесті жүргізу 2013» рейтингі туралы бірлескен баяндамасында айтылды.
«Экономикалық реформалар қарқынының деңгейі 2011-2012 жылдары Шығыс Еуропа және Орталық Азияда 88 пайыз болды. Ал кіріс деңгейі жоғары ОЭСР елдерінде - 68 пайыз, сахараның оңтүстігінде орналасқан Африка елдерінде - 61 пайыз, Таяу Шығыс пен Солтүстік Африкада - 47 пайыз, Шығыс Азия мен Тынық мұхиты аймағында - 46 пайыз, Латын Америкасы мен Карибте - 45 пайыз, Оңтүстік Азияда - 38 пайызды құрады», - дейді Дүниежүзілік банктің жеке секторды дамыту жөніндегі аға маманы Адриан Гонсалес. Оның айтуынша, Орталық Азияның 3 мемлекеті 2005 жылдан бері бизнесті реттеуде жоғары нәтижеге қол жеткізген 25 елдің қатарында.