2011 жылдың желтоқсан айында еліміздегі инфляция деңгейі 0,3 пайызды құрады
Бұл туралы ҚР Статистика агенттігінен мәлімдеді.
Агенттік мәліметтеріне қарағанда баға азық-түлік тауарларына 2011 жылдың елтоқсан айында 0,3 пайыз, азық-түлік емес тауарларына - 0,4 пайыз, ақылы қызметтерге - 0,2 пайызға өсті.
Есепті кезеңде бағаның жоғарылауы жұмыртқаға 3,2 пайыз, етке, жаңа жиналған жемістер мен көкөністерге - 1 пайыздан, балық және теңіз өнімдеріне - 0,9 пайыз, сүт өнімдеріне - 0,7 пайыз, тоқаш және ұннан дайындалатын кондитерлік өнімдерге - 0,6 пайыз, алкогольсіз сусындарға - 0,5 пайызға тіркелді. Бағаның төмендеуі қантқа 5,6 пайыз, жармаларға - 3,2 пайыз, ұнға - 2,1 пайыз, картопқа - 1,9 пайыз, өсімдік майына - 1,4 пайыз, күрішке - 1,2 пайызға белгіленді.
Бұдан бөлек, баға дизель отынына 0,8 пайыз, қатты отынға - 1,7 пайыз, мотор майына - 2 пайызға өсті. Баға өсімі жеке күтімге арналған тауарларға 0,6 пайызды, үй тұрмысына қажетті заттарына - 0,5 пайызды, киім және аяқ киімге - 0,4 пайыз, фармацевтикалық өнімдерге - 0,2 пайызды құрады.
Ал демалыс, ойын-сауық және мәдениет саласындағы қызметтері 0,3 пайыз, денсаулық сақтау - 0,4 пайыз, шаштараздар мен жеке қызмет көрсету орындары - 0,6 пайыз, мейрамханалар мен қонақ үйлер - 0,7 пайыз, көму - 1,2 пайызға қымбаттаған.