2011 жылы құрылыстағы баға 5,4 пайызға өсті
Агенттік мәліметтеріне қарағанда, 2011 жылғы желтоқсанда өткен жылғы тиісті аймен салыстырғанда баға құрылыс-монтаж жұмыстарына 5,6 пайызды, машиналар мен жабдықтарға - 6,6 пайыз, өзге де жұмыстар мен шығындарға 4,3 пайызға өсті.
Ал жыл ішінде құрылыс ұйымдары сатып алған материалдар, бөлшектер және конструкциялар бағасы 1,9 пайызға қымбаттады. Құм бағасы - 6,4 пайыз, құрылыс малтатасы - 5,5 пайызға, пластмассадан жасалған құрылыс бұйымдары мен ғанышкартон - 5 пайыздан, әк - 4,7 пайыз, ағаш материалдары, қыш тақтайшалар мен тақталар - 3,7 пайыздан, бояулар мен эмальдар, портландцемент - 3 пайыздан, табақты шыны - 2,7 пайыз, линолеум 1,6 пайызға өскен.
Ал, құрылыс жұмыстарына арналған ғаныш бағасы 3,2 пайыз, қара металдардан жасалған раковиналар мен жуғыштар - 2,2 пайызға, лактар - 0,7 пайыз, асбестцементтен жасалған табақтар 0,5 пайызға төмендеді.