2011 жылы Украина мемлекет қарызы үшін 11,4 млрд. доллар төлейді
АСТАНА. 28 желтоқсан. ҚазАқпарат - Украина 2011 жылы мемлекет қарызы үшін 11,4 млрд. доллар төлейді, деп мәлімдеді Премьер-министр Николай Азаров баспасөз конференциясында, деп хабарлайды РБК.
"Жыл оңайға соқпайын деп тұр. Бізге тек қарызымызды қайтаруға 90 млрд. гривен төлеуге тура келуде. Қомақты сома", - деді ол.
Н.Азаровтың сөзіне қарағанда, 2011 жылы «мемлекет осыншалық қомақты қарызды соңғы рет мойнына алғалы отыр».
"2012 жыл бізге айтарлықтай оңай болады, ең алдымен біз бюджет тапшылығын 5 пайыздан 3 пайызға дейін қысқартамыз", - деп түсіндірді үкімет басшысы.
