10:25, 12 Ақпан 2009 | GMT +5
2012 жылы ғаламшар тұрғындарының саны 7 миллиардқа жетеді
НЬЮ-ЙОРК. Ақпанның 12-сі. ҚазАқпарат /Әлия Алтынғазина/ - Біріккен Ұлттар Ұйымының әлемдік демографиялық үрдістер туралы жаңа баяндамасына сәйкес, 2009 жылдың шілде айында ғаламшар тұрғындарының саны 6,8 миллиард адамға жетеді,

деп хабарлайды ҚазАқпарат. 2012 жылы Жер бетіндегі адам саны 7 миллиардқа дейін өссе, 2025 жылы ? 8 миллиардқа, 2045 жылы 9 миллиардқа жететін болады. 2009-2050 жылдар аралағындағы кезеңде дамушы елдердегі халық санының көбею көрсеткішінің 70 пайызы (825 миллион адам) Бразилия, Үндістан, Индонезия, Нигерия, Пәкістан сияқты елдердің үлесіне тиеді. Ал дамыған елдердің 45-інде халық саны қысқарады. Сарапшылар сондай-ақ Жапонияда халық саны ? 25 миллионға, Ресейде - 33 миллионға, Украинада ? 15 миллионға, Германияда ? 8,4 миллионға, Польшада 7,7 миллионға азаятынын айтады. Өмір жасының ұзақтығының арту үрдісімен қатар, мамандар халықтың қартаю проблемасына да назар аударып отыр. 2050 жылға қарай жасы 60-тан асқандардың саны 2 миллиард адамды немесе жалпы халық санының 22 пайызын құрайтын болады. Бұл 15 жасқа дейінгі балаларға қатысты болжаулы көрсеткіштен асады.