2013 жылғы қаңтар-қыркүйекте Қазақстандағы бөлшек сауда көлемі 12,7 пайызға жоғарылады
АСТАНА. 17 қазан. ҚазАқпарат - 2013 жылғы қаңтар-қыркүйекте бөлшек сауда көлемі өткен жылғы тиісті кезеңмен салыстырғанда 12,7%-ға жоғарылап, 3511,9 млрд. теңгеге жетті. Бұл туралы ҚР Статистика агенттігінен хабарланды.
- 2013 жылғы қаңтар-қыркүйекте сауда кәсіпорындары арқылы тауарларды өткізу көлемі 1872,2 млрд. теңгені құрады немесе 2012 жылғы қаңтар-қыркүйекке қарағанда 18%-ға артық.
- Билығы қаңтар-қыркүйекте базарлармен және жеке кәсіпкерлермен сауда көлемі өткен жылдың тиісті кезеңімен салыстырғанда 7,2%-ға жоғарылады, аталған өткізу арнасының үлесі бөлшек сауданың жалпы көлемінде 46,7%-ды қамтыды.
- Бөлшек сауда құрылымында азық-түлік емес тауарлар басым (бөлшек сауданың жалпы көлеміне 64,5%). Азық-түлік емес тауарлардың бөлшек саудада өткізілуі өткен жылдың тиісті кезеңімен салыстырғанда 14,9%-ға, азық-түлік тауарлар - 8,7%-ға ұлғайды.
Бөлшек сауданың жалпы көлеміндегі аса жоғары үлес 2013 жылы қаңтар-қыркүйекте республикада Алматы қаласына (28,4%), Астана қаласы (10,5%) және Қарағанды облысына (10%) тиесілі болды.
