2014 жылы «Ақ бұлақ» бағдарламасы аясында 109 жоба пайдалануға беріледі - ӨДМ

АСТАНА. 14 қараша. ҚазАқпарат - 2014 жылы халықты ауыз сумен қамтамасыз ету бойынша «Ақ бұлақ» мемлекеттік бағдарламасы аясында 109 жобаны пайдалануға беру жоспарланып отыр, деп хабарлады өңірлік даму вице-министрі Серік Нокин Primeminister.kz сайтына берген эксклюзивті сұхбатында.

«2014 жылы 109 жобаны пайдалануға беру жоспарланып отыр», - деді С. Нокин.

Оның айтуынша, 2014 жылға арналған бюджетте 194 жобаны жүзеге асыру қарастырылған, олардың 109-ы жоспарланған және 85-і - көшпелі жобалар.

«Осы қаражат есебінен халқы шамамен 89 мың адам болатын 51 ауылды орталықтандырылған сумен жабдықтауға қолжетімділікпен қамтамасыз ету, халқы 230 мыңнан астам адам болатын 58 ауылда ұсынылатын қызмет көрсетулердің сапасын жақсарту жоспарланып отыр», - деп басып айтты ол.

Вице-министр айтып өткендей, бүгінгі таңда орталықтандырылған сумен жабдықтау қолжетімділікке қазақстандық ауыл тұрғындарының жартысының азы ғана ие.