2014 жылы ең көп сатылған смартфондар аталды

АСТАНА. ҚазАқпарат - Ұялы байланыс құрылғылары үшін қаптамалар шығаратын шевдтік Krusell компаниясы 2014 жылы ең көп сатылған смарфтондарды атады. Бұл рейтинг әлемнің 70 елінде сатылған ұялы телефондарға арналған аксессуарлардың жалпы санының негізінде құрастырылған, деп хабарлайды 3dnews.

Сонымен, өткен жылдың ең танымал смартфоны сатылымға тек қыркүйек айында шығарылғанына қарамастан, iPhone 6 болып шықты. Екінші орынды Sony Xperia Z2 моделі алды, бұған оның Бразилиядағы әлем чемпионатының ресми смартфоны ретінде танылуы ықпал етсе керек. Көшбасшы смартфондар үштігіне Жапонияда өндірілген Sony Xperia Z1 Compact гаджеті де енді. Оның айқын ерекшеліктері көпшіліктің көңілінен шыққан. 2014 жылы ең көп сатылған смартфондар ТОП-10-ына Sony-дің бес моделі (Xperia Z3 Compact - 5-ші орында; Xperia Z3-6 - 6-шы орында; Xperia M1 - 9-шы орында), Apple-дің үш моделі (iPhone 6 Plus - 7-ші орында; iPhone - 8-ші орын), Samsung-тің Galaxy S5 (4-ші орын), Microsoft-тің Lumia 630 моделі (10-шы орында) енген.