2014 жылы құрылыстағы баға 4,4 пайызға өскен

АСТАНА. ҚазАқпарат - ҰР Ұлттық экономика министрлігі,Статистика комитетінің мәліметтеріне қарағанда, 2014 жылы елімізде құрылыс-монтаж жұмыстарына, машиналар мен жабдықтарға баға 4,5 пайыз, өзге де жұмыстар мен шығындарға 3,9 пайызға өскен.

Әйнектелген қыш тақтайшаларды сатып алу бағасы бір жыл ішінде 4,2 пайыз, арматура - 3,4 пайыз, асбестоцементтен жасалған табақтар - 2,7 пайыз, картондар - 1,6 пайыз, әк - 0,6 пайыз, құрылысқа арналған қыш кірпіштер - 0,4 пайызға өскен. Сонымен қатар, силикат кірпіштердің бағасы 3,2 пайыз, санитарлық-техникалық қыш бұйымдар - 1,4 пайыз, мастика - 1,7 пайыз, портландцемент - 0,9 пайыз, жалпақ шыны әйнектер бағасы 0,3 пайызға төмендеген.