2015 жыл метеобақылау жүргізілген 136 жыл ішіндегі ең жылысы болды - сарапшылар
АСТАНА. ҚазАқпарат - Өткен 2015-інші жыл метеобақылау жүргізілген 136 жыл ішіндегі ең жылы жыл болды. Бұл туралы сәрсенбі күні Американың Мұхит және атмосфера мәселелері жөніндегі ұлттық басқармасы мәлімдеді, деп жазады ТАСС.
2015 жылы жылдың орташа температурасы Цельсия бойынша 14,79 градус болған. Бұл 2014 жылғыға қарағанда 0,16 градусқа жылы. Ал бұл көрсеткіш жалпы ХХ ғасырдағы орташа температурадан 1,62 градус жоғары.
