2015 жылы инвестиция көлемі бойынша интернет Қазақстанда 3-медиаға айналады
АЛМАТЫ. 17 мамыр. ҚазАқпарат - Қазақстанның медиа нарығының бюджеті биыл дағдарысқа дейінгі деңгейіне жетеді. Бұл туралы бүгін Алматыда өтіп жатқан VIII халықаралық PR форумда айтылды.
«Интернетті тұтынушылар барлық жастағылар арасында тұрақты өсуде. 2006 жылмен салыстырғанда ол 15-19 жастағыларда - 415 пайыз, 20-25 жастағыларда - 292 пайыз, 25-34 жастағыларда - 319 пайыз, 35-44 жастағыларда - 453 пайыз, 45-54 жастағыларда - 652 пайыз, 55-64 жастағыларда - 404 пайыз, ал 65 жастан жоғарғылар арасында - 708 пайызға өсті. Қолданушылардың үлесі 25-34 жастағыларда - 25 пайыз, 15-19 және 20-24 жастағыларда - 19 пайыз, 35-44 жастағыларда - 17 пайыз, 45-54 жастағыларда - 13 пайыз, 55-64 жастағыларда - 5 пайыз және 65 жастан жоғарғылар арасында - 2 пайызды құрады», - дейді DASM компаниялар тобының стратегиялық медиа-жоспарлау бойынша директоры Денис Филенков.
Оның айтуынша, интернетті қолдану 2006 жылы - 16, 2007 жылы - 18, 2008 жылы - 24, 2009 жылы - 26, 2010 жылы - 36, 2011жылы - 44 пайызға өскен. Сондай-ақ ел тұрғындарының қазіргі таңдағы ақпарат алудың негізгі көздері де айтарлықтай өзгерген. Олардың 89,9 пайызы телевидениені (2006 жылы 77,9 пайыз); 45 пайызы интернетті (10 пайыз ); 43,1 пайызы мерзімді басылымдарды (56 пайыз); 33,9 пайызы радионы (56,8 пайыз); 21,6 пайызы блог, микроблог, әлеуметтік желілерді (3,3 пайыз); 15,4 пайызы қауесетті (16,7 пайыз) атаған.
