2016 жылдың бірінші тоқсанында еліміздегі ЖІӨ былтырмен салыстырғанда 99,8 пайызды құрады
АСТАНА. ҚазАқпарат - ҚР Ұлттық экономика министрлігі Статистика комитетінің хабарлауына қарағанда, алдын ала деректер бойынша 2016 жылғы қаңтар-наурыздағы Жалпы ішкі өнімнің нақты көлем индексі өткен жылдың тиісті кезеңімен салыстырғанда 99,8 пайызды құрады.
Мәліметтерге қарағанда, ЖІӨ құрылымында тауарлар өндірісінің үлесі 34,1 пайыз, қызметтер - 58,3 пайызды құраған. Сонымен қатар, бұл көрсеткіш ауыл шаруашылығы, аңшылық және орман шаруашылығы, балық аулау саласында - 2,1 пайызды, өнеркәсіп саласында - 28,6 пайызды құраған. Есепті кезеңде Жалпы ішкі өнімнің құрылыс саласындағы үлесі 3,4 пайызды, ал өнімге салынатын салықтар 7,6 пайызды құрап отыр.
