2016 жылғы Олимпиада ойындары Рио-де Жанейрода өтеді
АСТАНА. Қазанның 3-і. ҚазАқпарат - Бразилия Олимпиада ойындары өтетін бірінші латынамерикалық ел атанды,
деп хабарлайды ВВС телекомпаниясы.
Халықаралық олимпиадалық комитетте өткен дауыс беруден кейін, 2016 жылғы Олимпиада ойындарын Рио-де Жанейро қаласы қабылдайтын болды. Бразилия қаласы бұл таласта Испания елордасынан басым түсті.
Көңілі босаған Бразилия Президенті Инасио Лула да Силваның сөзімен айтқанда, «әлем Бразилияның уақыты келгенін мойындады», деп хабарлайды ВВС.
