2017 жылдың ең сәтсіз таңдалған кілтсөзі белгілі болды
АСТАНА. ҚазАқпарат - SplashData компаниясы пайдаланушылардың өзінің электрондық почтасы, әлеуметтік желілері мен басқа да жеке парақшаларын қорғайтын кілтсөздерінің рейтингісін жариялады. Аталған компания бұл рейтингті қатарынан жетінші жыл жүргізіп отыр, деп жазады Motherboard .
Бірнеше жыл қатарынан аталған рейтингте «123456» деген кілтсөзі танымал болып келе жатыр. Екінші орында «password» сөзі, ал алғашқы үштікті «12345678» цифрлік белгілері бар құпиясөз түйіндеп отыр.
Сондай-ақ, бұл тізімге «qwerty», «football», «admin», «welcome», «login», «abc123», «dragon», «passw0rd» және «master» сияқты өте жиі және сәтсіз таңдалатын кілтсөздер кірген.
