2017 жылы УЕФА суперкубогы Астанада өтуі мүмкін

АСТАНА. ҚазАқпарат - 2017 жылы УЕФА суперкубогы Астанада өтуі мүмкін. Бұл туралы бүгін елордада өткен брифингте Қазақстан Фубол федерациясының экс-президенті Әділбек Жақсыбеков мәлім етті, деп хабарлады Sports.kz сайты.

Ә.Жақсыбековтың айтуынша, 2017 жылы Астанада УЕФА суперкубогын өткізу туралы алдын ала уағдаластық бар.

Айта кетерлігі, осы брифингте федерациясының экс-президенті Қазақстанның 2026 жылы өтетін Футболдан әлем чемпионатын өткізуге өтінім беруге ниеттеніп отырғанын да жария еткен болатын.