2018 жылы Астанада Дүниежүзілік тау-кен конгресі өтеді
АСТАНА. ҚазАқпарат - Рио-де-Жанейрода өтіп жатқан XXIV Дүниежүзілік тау-кен конгресінде 21 қазанда қазақстандық тарапқа 2018 жылдың 19-22 маусымы аралығында Астанада Дүниежүзілік тау-кен конгресін өткізу өткізуге құқық беретін «шырақты» тапсыру рәсімі жоспарланып отыр. Бұл туралы ҚР ИДМ баспасөз қызметі хабарлады.
ҚР Инвестициялар және даму министрлігінің Жауапты хатшысы Замир Сағынов бастап келген Қазақстанның ірі тау-кен компанияларының, «Атамекен» Ұлттық кәсіпкерлер палатасының, ғылыми-зерттеу институттарының, «Iteca» көрме компаниясының өкілдерінен тұратын қазақстандық делегация Рио-де-Жанейро қаласында өтіп жатқан XXIV Дүниежүзілік тау-кен конгресінің жұмысына қатысуда.
18 қазанда басталған іс-шараға 34 елдің 2 мыңнан астам өкілдері, оның ішінде үкімет мүшелері, ғылыми қайраткерлер, халықаралық мамандандырылған ұйымдардың қызметкерлері, тау-кен кәсіпорындарының басшылары, Бразилияда аккредиттелген дипломатиялық корпустың өкілдері бар.
Тау-кеншілер съезінде халықаралық ұйымдастырушы комитеті отырысы, конгресс пленарлық отырысы, тау-кен саласындағы соңғы жетістіктерді тамашалайтын көрме, ғылыми-техникалық жұмыстар мен жобалар конкурсының өткізіледі. Жиынға қатысушылар пайдалы қазбалар кен орындарын барлау, тау-кен және жерасты жұмыстарын жүргізу, автоматтандыру және роботты техниканы пайдалану, тау-кен өнеркәсібі саласындағы инновациялар секілді маңызды мәселелерді талқылайтын болады.
Конгрестің бірінші күнінде ҚР ИДМ-нің Жауапты хатшысы пленарлық отырыс барысында қазақстандық тау-кен өнеркәсібінің негізгі бағыттары мен оның даму болашағы туралы хабарлап, халықаралық ұйымдастырушы комитетінің мүшелерін XXV Дүниежүзілік тау-кен конгресін дайындау бойынша Қазақстанда жүргізіліп жатқан жұмыс туралы баяндады.
«KAZNEX INVEST» экспорт және инвестициялар ұлттық агенттігі» АҚ көрме барысында тау-кен-металлургиялық кешеніне, еліміздің инвестициялық саясатына, экспорттық әлеуетіне, сондай-ақ «ЭКСПО-2017» көрмесіне арналған ұлттық стендты ұсынды.
21 қазанда конгрестің қорытындылары бойынша қазақстандық тарапқа 2018 жылдың 19-22 маусымы аралығында Астанада өтетін келесі конгресті өткізу құқық беретін «шырақты» тапсыру рәсімі жоспарланып отыр.
