2018 жылы Эйфель мұнарасын оқ өтпейтін шынымен қоршайды
АСТАНА. ҚазАқпарат - Париж билігі Эйфель мұнарасын биіктігі 2,5 метрлік оқ өткізбейтін шынымен қоршау туралы шешім қабылдады.
Бұл туралы Prensa Latina агенттігі хабарлады. Француз астанасының әкімшілігі бұл шешімді қаладағы террористік қауіп деңгейінің жоғарылауына байланысты қабылдаған. Қабырғаны 2018 жылдың соңына қарай тұрғызуды жоспарлауда. Жобаның құны шамамен - 20 миллион еуроны құрайды. Қабырғаны футболдан Еуропа чемпионатына орай 2016 жылы салынған металл қоршаудың орнына тұрғызады.
