2019 жылға қарай мұнай өндіру көлемі 96 млн. тоннаға жетеді - Е. Досаев
АСТАНА. ҚазАқпарат -2019 жылға қарай елімізде мұнай өндіру көлемі 96 млн. тоннаға дейін жететін болады. Бұл туралы бүгін Мәжілісте «2015-2017 жылдарға арналған республикалық бюджет туралы» заң жобасының таныстырылымы барысында Ұлттық экономика министрі Ерболат Досаев мәлім етті.
«Энергетика министрлігінің деректеріне сәйкес, мұнай өндіру көлемі 2015 жылы 81,8 млн. тоннаны құрайды. Бұл көрсеткіш 2019 жылға қарай 96 млн. тоннаға дейін жетеді», - дейді министр Ерболат Досаев.
Оның айтуынша, 2015-2019 жылдары базалық сценарий үшін мұнай бағасының болжамды деңгейі барреліне 90 доллар құрайтын болады.
«Жалпы, жоспарланған өсу параметрлерiне қол жеткізуге жүргізіліп отырған әлеуметтiк-экономикалық саясат ықпал етеді», - дейді министр.
