2027 жылға дейін квазимемлекеттік ұйым құруға мораторий жарияланады

АСТАНА. KAZINFORM – Ұлттық экономика министрлігі 2026 жылдың 31 желтоқсанына дейін квазимемлекеттік ұйым құруға мораторий енгізу туралы қаулы жобасын қоғамдық талқылауға шығарды. 

«2026 жылғы 31 желтоқсанға дейін квазимемлекеттік сектор субъектілерін құруға мораторий енгізілсін», - делінген құжатта.

Дегенмен, бұл мораторий «Заңсыз иемденілген активтерді мемлекетке қайтару туралы» Заңды орындаумен байланысты шараларға әсер етпейтіні айтылған.

Сондай-ақ, аталмыш шектеудің Президент тапсырмаларымен байланысты айрықша жағдайларға қатысы жоқ.

Мораторий Мемлекет басшысының «Экономиканы ырықтандыру жөніндегі шаралар туралы» Жарлығын іске асыру қажеттіліктерінен туындап отыр.