22 ақпан күні елордада өтетін маңызды іс-шаралар аңдатпасы

АСТАНА. KAZINFORM - Kazinform халықаралық ақпарат агенттігі 22 ақпан күні Астанада өтетін мәдени және қоғамдық маңызды шаралар аңдатпасын ұсынады.

9.00-де Nazarbayev University-де қоғамның әлеуметтік дамуы және әлеуметтік кәсіпкерлік тақырыбына арналған ауқымды ғылыми-практикалық халықаралық конференция өтеді.

9.00-де «SILK WAY DEVELOPMENT FUND» қоғамдық қоры «Global Water» коммуналдық және өнеркәсіптік су дайындау, сумен жабдықтау, су бұру және ағынды суларды тазарту технологиялары мен жабдықтарының I халықаралық көрмесін өткізеді.

10.00-де Мәжілістің Экология және табиғатты пайдалану мәселелері жөніндегі комитеті «Су мәдениеті туралы» заң жобасын талқылау бойынша дөңгелек үстел өткізеді.

10.00-де ҚР Парламенті Сенатының жалпы отырысы өтеді.

11.00-де ҚР Әділет министрлігі баспасөз мәслихатын өткізеді.

11.00-де ҚР Президенті жанындағы Орталық коммуникациялар қызметінде «Балалардың құқықтарын қорғау және қауіпсіздігін қамтамасыз ету мәселелері» атты дөңгедек үстел өтеді.

14.00-де Sheraton Astana қонақ үйінде «Қазақстанның тау-кен өндіру саласының инвестициялық тартымдылығын арттыру» конференциясы өтеді.

14.30-да ҚР Цифрлық даму, инновациялар және аэроғарыш өнеркәсібі министрлігінде ақпараттық қауіпсіздік туралы тікелей эфир өтеді.

19.00-де «Астана Опера» театрында «Тамаша төрттік және рояль» концерті өтеді.

19.00-де Жастар театрында «Құдалар» комедиясы сахналанады.

19.00-де Жас көрермендердің музыкалық театрында «Қыз Жібек» этно-фольклорлық мюзиклі қойылады.