22 күн бойы компьютерде үздіксіз ойын ойнаған соң көз жұмды

АСТАНА. ҚазАқпарат - Башқұртстанда компьютер алдында үздіксіз 22 күн бойы отырған 17 жасар жасөспірім қайтыс болды, деп хабарлайды ТАСС.

Оқиғаға қатысты тексеру жүргізілуде. Алдын ала анықталғандай, 8 тамыздан бері жасөспірім аяғын жарақаттап алуына байланысты үйде отырған. 30 тамызда есін жоғалтқан ол ауруханаға жатқызылған соң қайтыс болған. Тергеушілер анықтағандай, Башқұртстан тұрғыны 2014 жылдан бері компьютерде ойын ойнауға 2 мың сағаттан артық уақытын сарп еткен. Ата-анасы үйде болмаған сәттері ол онлайн-ойындарды үздіксіз ойнап, тек ұйықтап алу үшін ғана үзіліс жасап отырған. Жасөспірімнің өлім құшу себептерін анықтау үшін сот-медициналық сараптама тағайындалды. Фото: AP Photo/Ahn Young-joon