23 жалған кәсіпорын құрған ұйымдасқан қылмыстық топ өкілдері мемлекетті 4 миллиард теңгеге шығынға батырды

АСТАНА. 18 қаңтар. ҚазАқпарат /Айдар Оспаналиев/ - Астана қалалық Экономикалық қылмысқа және сыбайлас жемқорлыққа қарсы күрес департаментінің өкілдері мемлекетке 4 млрд теңгеден астам шығын келтірген ұйымдасқан қылмыстық топты әшкереледі.

Бұл туралы бүгін 2010 жылдың қорытындыларына байланысты журналистермен кездескен аталмыш департаменттің баспасөз-хатшысы Толқын Нәбиева мәлім етті.

Оның айтуынша, аталмыш қылмыстық топ өкілдері 23 жалған кәсіпорын құрып, салықтан жалтарған. Сот топ өкілдерінің барлығын айыпты деп тапты. «Сондай-ақ қылмыстық топ құрып, жалған кәсіпкерлікпен айналысқан Фалей атты азаматша 4 жылға бас бостандығынан айырылды. Олардың әрекеттерінен келген шығын 640 миллион теңгені құрады»,- деді баспасөз-хатшысы.