24 ақпан күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 24 ақпан күні Астанада өтетін мәдени және қоғамдық маңызды шаралар аңдатпасын ұсынады.

9.00-де Мемлекеттік басқару академиясында ҚР Президенті жанындағы Мемлекеттік басқару академиясы мен қазақстандық жоғары оқу орындары арасында меморандумға қол қою рәсімі өтеді.

9.00-де Sheraton Astana қонақүйінде KASE басқарма төрағасы Алина Алдамберген биржаның 2022 жылғы қызметі туралы сұхбат береді.

10.00-де ҚР Ұлттық музейінде «Бозоқ» мемлекеттік тарихи-мәдени музей-қорығы» РМҚК «Бозоқ» ашық аспан астындағы ұлттық паркін құру» республикалық жобасын және ғылыми-зерттеу бағдарламаларын іске асыру шеңберінде «Бозоқ қалашығын сақтау: тұжырымдамалық тәсіл, даму перспективалары» атты халықаралық ғылыми дөңгелек үстел отырысын өткізеді.

11.00-де «Самұрық-Қазына» АҚ кеңсесінде QazaqGaz компаниясының 2022 жылғы жұмысының қорытындысы бойынша қордың қоғамдық кеңесі өтеді.

11.00-де Нұржол желекжолында Мәдениет және спорт министрлігі Архив істері және құжаттаманы басқару комитеті «Қолжазбалар және сирек кітаптар ұлттық орталығы» РММ «Қолжазба деректеріндегі зұлмат заман тарихы» атты халықаралық ғылыми-танымдық дөңгелек үстел отырысын ұйымдастырады.

11.00-де «Астана қаласы Коммуникациялар қызметінде «Жастарды жұмыспен қамту мәселесі» тақырыбында онлайн брифинг өтеді. Спикер: қалалық Жастар саясаты мәселелері басқармасының басшысы Қайрат Қамбаров. Онлайн баспасөз конференциясы «Астана қаласы коммуникациялар қызметінің» Facеbook-тегі және Instagram-дағы ресми парақшаларында тікелей эфирде өтеді.

12.00-де Мәдениет және спорт министрлігінің бастамасымен Астана қаласында Бейбарыс сұлтан атындағы көшенің салтанатты ашылуы өтеді.

14.00-де Л.Н.Гумилев атындағы ЕҰУ-да «Бейбарыс Сұлтан және оның түркі тарихындағы орны» атты халықаралық ғылыми-практикалық конференция басталады.

15.00-де ҚР Президенті жанындағы Орталық коммуникациялар қызметінде биатлоннан жасөспірімдер мен жастар арасындағы әлем чемпионатына арналған баспасөз мәслихаты өтеді. Спикерлер: ҚР Мәдениет және спорт вице-министрі Сәрсен Құранбек; биатлонистер одағының президенті Ермек Кизатов; Биатлонистер одағының бас хатшысы Манас Үсенов. Биатлоннан қысқы Универсиада-2022 жеңімпазы, IBU жасөспірімдер кубогінің күміс жүлдегері Вадим Куралес (ZOOM арқылы); биатлонан ҚР жасөспірімдер чемпионатының бірнеше дүркін чемпионы Әлем Қарабаева (ZOOM арқылы). Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz.

15.00-де «Атамекен» ұлттық кәсіпкерлер палатасы бизнесті мемлекеттік қолдау шаралары жөніндегі форум өткізеді.

15.00-де ҚР Ұлттық кітапханасының үлкен залында Mecenat.kz әдеби байқауының тұңғыш жеңімпазы, жазушы Шархан Қазығұлдың «Күлпет» романының тұсаукесері өтеді.

15.40-та NUR ALEM болашақ энергиясы музейінде Қазақстандағы Италия елшілігі ұйымдастырған италиялық сәулетші және дизайнер Марио Кучинелла көрмесі ашылады.

19.00-де Astana Opera театрында «Абай» операсы қойылады.

19.00-де Қалибек Қуанышбаев атындағы мемлекеттік академиялық қазақ музыкалық драма театрында «Шие» спектаклі сахналанады.

19.00-де Жас көрермендердің музыкалық театрында «А.Л.Ж.И.Р» лагеріндегі әйелдер тағдыры туралы CHANEL №5 деректі драмасы қойылады.

19.00-де Номад Сити Холл сахнасында «Мерекелік меню» комедиясы ұсынылады.