25 сәуір күні Қазақстанда ауа райы қандай болады
Қазақстан аумағының батыс бөлігінде атмосфералық фронттардың әсерінен тұрақсыз ауа райы сақталады. Кей жерлерде найзағай ойнап, жаңбыр жауады.
Республиканың шығыс бөлігі антициклонның ықпалында болады. Осыған байланысты жауын-шашын жаумайды.
Ел аумағының кей жерлерінде тұман түседі, жел күшейеді.
Қарағанды, Қостанай облыстарының кей жерлерінде тұман түсіп, жел екпіні 15-20 м/с жетеді. Қостанай облысының кей жерлерінде найзағай жарқылдайды.
Солтүстік Қазақстан, түнде Түркістан, Жамбыл, күндіз Ақмола, Ақтөбе, Батыс Қазақстан облыстарының кей жерлерінде жел қарқыны 15-20 м/с дейін күшейеді.
Ақтөбе, Жамбыл облыстарының кей жерлерінде тұман түседі.
Батыс Қазақстан облыстарының кей жерлерінде найзағай ойнайды.
Түнде және таңертең Атырау облысының кей жерлерінде тұман түседі, күндіз кей жерлерде найзағай болады.