25 тамызда Қазақстанның көптеген аумағында жаңбыр жауып, найзағай ойнайды
АСТАНА. 24 тамыз. ҚазАқпарат - Қазақстан Республикасы Қоршаған ортаны қорғау министрлігінің «Қазгидромет» РМК-ның мәліметтерінше, 2012 жылдың 25 тамызында Қазақстанның көптеген аумағында атмосфералық фронтальдық бөліктердің өтуімен ауа райының тұрақсыз сипаты күтіледі, жаңбыр жауып, найзағай ойнайды, жел күшейеді.
Елдің оңтүстік-батысында ғана жауын-шашынсыз ауа райы болады.
Қызылорда, Жамбыл, Батыс Қазақстан, Ақмола, Алматы, Павлодар, Қарағанды, Шығыс Қазақстан облыстарында, түнде Атырау, күндіз Ақтөбе, Қостанай облыстарында кейбір жерлерде желдің 15-20 м/с жылдамдықпен соғуы күтіледі, Шығыс Қазақстан облысында шаңды дауыл болады, Қостанай, Солтүстік Қазақстан облысында кейбір жерлерде тұман түседі.
Республиканың оңтүстігінде, оңтүстік-шығысында, орталығында, батысында, шығысының кейбір жерлерінде төтенше жоғары өрт қауіптілігі сақталуда.
Жақын үш тәулікте республиканың оңтүстік, оңтүстік-шығыс және шығысында су деңгейлерінің ауытқулары байқалады.
