26 наурызда республиканың басым аумағында боран, көктайғақ болып, жел күшейеді деп күтілуде
АСТАНА. ҚазАқпарат - Қазақстанның басым аумағында ауа райы құбылмалы болады, кей жерлерде жауын-шашын, көктайғақ, дауыл соғып, жел күшейеді. Оңтүстікте, батыстың кей жерлерінде, оңтүстік-батыс пен оңтүстік-шығыста жауын-шашын болмайды.
Бұл туралы Қазгидромет хабарлады.
Ақмола облысының басым бөлігінде жел жылдамдығы 15-20, кей жерлерде 23 м/с, кей жерлерде көктайғақ болады.
Оңтүстік Қазақстан, Қызылорда, Маңғыстау, Атырау, түнде Алматы, күндіз Ақтөбе облыстарында кей жерлерде тұман болады деп күтілуде.
Жамбыл облысының кей жерлерінде түнде тұман болып, күндіз 15-20 м/с жылдамдығымен жел соғады.
Батыс Қазақстан, Шығыс Қазақстан облыстарының бірқатар жерлерінде тұман түсіп, көктайғақ болады, желдің күші 15-20 м/с болады.
Қостанай облысында жел 15-20 м/с күшейіп, кей жерлерде бұрқасын, тұман болады.
Солтүстік Қазақстан облысының басым бөлігінде жел жылдамдығы 15-20, кей жерлерде 23 м/с жетеді, кей жерлерінде тұман, көктайғақ болып, дауыл соғады.
Павлодар облысының кей жерлерінде жел жылдамдығы 15-20 м/с күшейеді.
Қарағанды облысының кей жерлерінде тұман, көктайғақ болып, күндіз жел жылдамдығы 15-20 м/с жетуі ықтимал.
