27 ақпан күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 27 ақпан күні Астанада өтетін мәдени және қоғамдық маңызды шаралар аңдатпасын ұсынады.

10.00-деҚР Орталық сайлау комиссиясы Парламент Мәжілісі мен мәслихаттары депутаттарының кезектен тыс сайлауын өткізу, оның ішінде дауыс беруге арналған сайлау бюллетеньдері туралы және сайлау алдындағы пікірсайыстар жөніндегі отырыс өткізеді.

11.00-де ҚР Ішкі істер министрлігі онлайн-көрсетілім форматында апталық брифинг өткізеді.

Брифинг тақырыбы: «Интернет-ресурстары арқылы жасалатын есірткі қылмыстары».

Спикер: ҚР ІІМ Есірткі қылмысына қарсы іс-қимыл департаменті басқармасының жедел уәкілі Данияр Орал.

Көрсетілім сілтемелері:Youtube, Facebook.

15.00-де ҚР Президенті жанындағы Орталық коммуникациялар қызметінде «2022 жылға арналған өнеркәсіптік қауіпсіздік саласындағы бақылау-қадағалау қызметінің қорытындылары туралы» баспасөз мәслихаты өтеді.

Спикер: ҚР ТЖМ Өнеркәсіптік қауіпсіздік комитетінің төрағасы Мақажанов Нығмеджан Қойшыбайұлы.

Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz.

18.00-де ҚР Тұңғыш Президенті кітапханасында халықаралық Холокост құрбандарын еске алу күніне арналған шара өтеді.

19.00-де Жас көрермендердің музыкалық театрында «Гаухартас» музыкалық драмасының тұсаукесері өтеді.